လှပသော ခန္ဓာကိုယ်ကို ပိုင်ဆိုင်ဖို့အတွက် ၈ စက္ကန့်

 

လူလတ်ပိုင်းအရွယ်မှာ ခန္ဓွာကိုယ်နောက်ပိုင်းမှာ အဆီတက်လာခြင်း၊ ဗိုက်ပူလာခြင်းတို့ဟာ ဖြစ်လာပြီး

ကိုယ်ခန္ဓါအချိုးအစားဟာ စိတ်ပျက်စရာကောင်းတဲ့ အနေအထားအဖြစ် ပြောင်းလဲလာတာကို တွေ့မြင်ရမှာပါ။

TV၊ မဂ္ဂဇင်းတွေမှာ လွယ်ကူတဲ့ လေ့ကျင့်ခန်းတွေကို တင်ဆက်ပေးနေတဲ့ Mori San ရဲ့ဖြေကြားချက်ကတော့ “ခန္ဓာကိုယ် နောက်ပိုင်း ကြွက်သားတွေဟာ ခြေထောက်နှင့်ယှဉ်လျှင် လှုပ်ရှားမှုနည်းပါးတဲ့ အစိတ်အပိုင်းတွေပါ။
အသက် ၃၀ ကျော်လာရင် ခန္ဓာကိုယ်နောက်ပိုင်း ကြွက်သားတွေဟာ အားနည်းလာတဲ့အတွက် ခါး၊ တင်၊ ရင် တွေရဲ့ကြွက်သား ကိုထိန်းချုပ်နိုင်ခြင်း လျော့နည်းလာပါတယ်။
လူလတ်ပိုင်းအရွယ်တွေရဲ့ ခန္ဓာကိုယ်အချိုးအစားပြောင်းလဲရခြင်းအကြောင်းရင်းက အဆိုပါကြွက်သားတွေ အားနည်းလာခြင်းကြောင့်ဖြစ်ပါတယ်။ အဲဒါကြောင့် လူလတ်ပိုင်းအရွယ်တွေအတွက် လွယ်ကူတဲ့လေ့ကျင့်ခန်း ပြုလုပ်ပုံကို မိတ်ဆက်ပေးလိုက်ပါတယ်။

Mori San ဟာအသက်၄၀ကျော်အရွယ်မှာ ကလေးမွေးဖွားပြီး ၁လကြာလေ့ကျင့်ခန်း လုပ်ရုံဖြင့် ကိုယ်ဝန်မဆောင်ခင်အချိန်က ခန္ဓာကိုယ် အချိုးအစားကိုပြန်ရခဲ့ပါတယ်။လူလတ်ပိုင်း အရွယ်တွေဟာ ခန္ဓွာကိုယ်ကိုထိန်းသိမ်းဖို့အတွက် Diet လုပ်ခြင်း ၊ပြင်းထန်တဲ့အားကစားတွေကိုလုပ်ဖို့မလိုပါဘူး။
အရေးကြီးတာက မတ်တပ်ရပ်တဲ့အခါ အသုံးပြုသော ကြွက်သားတွေကသာ အရေးကြီးပါတယ်။ ကျွန်မတို့ဟာ ကမ္ဘာမြေကြီးရဲ့ ဆွဲအားကို ဆန့်ကျင်ပြီး ရပ်နေတဲ့အတွက် ကျော ၊ ဗိုက် မှာရှိတဲ့ ကြွက်သားတွေကို သုံးရမှာဖြစ်ပင်မဲ့ ကိုယ်နဲ့အဆင်ပြေတဲ့ပုံစံနဲ့သွားလာလှုပ်ရှားနေကြတဲ့အတွက် ခန္ဓာကိုယ်အနေအထားလည်း မမှန်တော့ပါ။ ခန္ဓာကိုယ် အနေအထားကို ပြန်လည်ပြုပြင်ဖို့အတွက် ၈ စက္ကန့်လေ့ကျင့်ခန်းလေးကို တင်ပြပါရစေ။

ခန္ဓွါကိုယ်အောက်ပိုင်းအတွက်လေ့ကျင့်ခန်း

၀၁.ခြေဖျားထိပ်လေးများကို ဘေးသို့ကား၍မတ်တပ်ရပ်ပါ
ဖနောင့်တွင်အားပြု၍ ခြေထောက်နှစ်ဖက်စလုံးရဲ့ ခြေဖျားထိပ်ကို ၄၅ ဒီဂရီခန့် ဘေးသို့ကားပြီး မတ်တပ်ရပ်ပါ။

၀၂. ဒူးကွေး၍ ခါးကိုအောက်သို့ နှိမ့်ချပါ
ဒူးကွေး၍ ခါးကိုအောက်သို့ နှိမ့်ချရာတွင် ခြေမျက်စိတွင်အားမသက်ရောက်ရပါ။

၀၃. ခြေနှစ်ဖက်လုံး၏ ဒူးတွေကိုကပ်ထားပါ
ဒူးကွေး၍ခါးကိုအောက်သို့ချထားသော အနေအထားဖြင့် ဂုံညင်းများကို အချင်းချင်းထိအောင် ကပ်လိုက်ပါ။

၀၄. ဂုံညင်းကိုကပ်ထားရင်းဖြင့် ဒူးခေါင်းကို ဆန့်ထုတ်ပါ။ နံပါတ်(၃)အနေအထားဖြင့် ဒူးခေါင်းကို ဆန့်၍မတ်တပ်ရပ်ပါ။
အထက်ပါလှုပ်ရှားမှုများသည် ခန္ဓွါကိုယ်အောက်ပိုင်းအတွက် ဖြစ်ပါသည်။
ခန္ဓာကိုယ်အပေါ်ပိုင်းအတွက်လေ့ကျင့်ခန်း

၀၅. လက်နှစ်ဘက်ကို မိုးပေါ်သို့ Y ပုံစံမြှောက်ထားပါ
ခြေထောက်ကို မရွေ့ဘဲ လက်နှစ်ဘက်လုံးကို Y ပုံစံ အပေါ်သို့မြှောက်ထားပါ။ပြီးလျှင် လက်ဖဝါးနှစ်ဘက်က ကိုယ်ခန္ဓာအတွင်းပိုင်းကို မျက်နှာပြုထားပါ။

၀၆. လက်ကိုအပေါ်ကို မြှောက်ထားလျှက် ခါးကိုရှေ့ပိုင်းသို့ကိုင်းထားပါ
လက်ကိုမြှောက်လျှက်အနေအထားဖြင့် ခန္ဓွာကိုယ်ကိုရှေ့သို့ ဖြေးဖြေးချင်း ကိုင်းပါ။ ၄၅ဒီဂရီ ခန့်ဖြစ်အောင် ကိုင်းထားပါ။

၀၇. လက်ကိုအောက်သို့ချထား၍ တင်ပါး၏ ဘေးတွင်ထားပါ
ခန္ဓွာကိုယ်အပေါ်ပိုင်းကို ကိုင်းထားသောအနေအထားဖြင့် လက်နှစ်ဘက် ကိုအောက်သို့ချပါ။ တင်ပါး၏ နောက်ပိုင်းသို့လက်ကို ဆွဲသွားပါ။

၀၈. ဖြေးဖြေးချင်း တည့်တည့်ပြန်ရပ်ပါ
အဲဒီအတိုင်း ခန္ဓွာကိုယ်အပေါ်ပိုင်းကို တည့်တည့်ပြန်ရပ်ပြီး လက်ကိုခန္ဓွာကိုယ်ဘေးသို့ သဘာဝရှိနေတဲ့အတိုင်း ပြန်ထားပေးပါ။
မှန်ရှေ့မှာ ဒီလေ့ကျင့်ခန်းလေးကို စမ်းပြီးလုပ်ကြည့်လိုက်လျှင် ၈စက္ကန့်နဲ့ ကြွက်သားနာကျင်ခံစားမှု အနည်းငယ် ဖြစ်လာပေမယ့်လည်းထိရောက်မှုရှိသော လေ့ကျင့်ခန်းလေး ဖြစ်မှာပါ။ အခြေခံလှုပ်ရှားမှုမှာ စနစ်ကျတဲ့နည်းစနစ်ကို ပေါင်းစပ်ထားခြင်း ဖြစ်ပါတယ်။
ခဏလေးလုပ်ကြည့်လိုက်ရုံဖြင့် လှပတဲ့ခန္ဓာကိုယ် အချိုးအစားလေးကို ပြန်လည်ပိုင်ဆိုင်စေမှာပါ။

Happiness Is To You
Chelmo Team

Read full

ပုန်းကွယ်နေသည့် နှလုံးရောဂါ ဖြစ်နိုင်ခြေကို အောင်နိုင်မှု ရှိစေရန်

 

နှလုံးရောဂါနဲ့ ပတ်သက်လာရင် လူအများစုဟာ ကိုလက်စထရောကိုသာ ဂရုစိုက်တတ်ကြပါတယ်။  ခန္ဓာကိုယ်ရဲ့ အဆီတစ်မျိုးဖြစ်တဲ့ ထရိုင်ဂလစ်စရိုက (TGs) ခေါ်တဲ့ မကောင်းတဲ့ အဆီကလည်း နှလုံးရောဂါအတွက် အထူး အရေကြီးပါတယ်။ မကောင်းတဲ့အဆီ (TGs) တွေ များလွန်းနေရင် နှလုံးရောဂါ ဖြစ်နိုင်ခြေ နှစ်ဆ ပိုများသွားပါတယ်။ သွေးအတွင်း မကောင်းတဲ့အဆီ (TGs) အဆင့် ထက်ဝက်လောက် ကျဆင်းအောင် ၁၅ မိနစ်ခန့်သာ အချိန်ယူပြီး အောက်ပါအတိုင်း ပြုလုပ်နိုင်ပါတယ်။၁။ သစ်ကြံပိုးခေါက် အသုံးပြုပြီး TGs အဆင့်ကျဆင်းအောင် ပြုလုပ်ပါ

ဓာတ်တိုး ဆန့်ကျင်ပစ္စည်း မြင့်မားစွာ ပါဝင်တဲ့ သစ်ကြံပိုးခေါက်ဟာ သွေးတွင်း သကြားဓာတ်တွေကို (TGs) အဆင့် မပြောင်းခင်မှာပင် ကြွက်သားတွေမှ စုပ်ယူမှုနဲ့ အသုံးပြုနိုင်မှု မြင့်မားအောင် ကူညီနိုင်ပါတယ်။ သစ်ကြံပိုးခေါက်အမှုန့် နေ့စဉ် လက်ဖက်ရည်ဇွန်း တစ်ဝက်စာ စားသုံးတာကြောင့် တစ်လအတွင်း TGs အဆင့် ပုံမှန်အတိုင်း ပြန်ဖြစ်သွားနိုင်ပါတယ်။ ငရုတ်ကောင်းမှုန့်ဟာလည်း TGs အဆင့်ကို ကျဆင်းစေနိုင်ပါတယ်။ နေ့စဉ် ငရုတ်ကောင်းမှုန့် လက်ဖက်ရည်ဇွန်း ရှစ်ပုံတစ်ပုံစာ စားတာကြောင့် TGs ထုတ်လုပ်မှု ၁၂ ရာခိုင်နှုန်း လျော့နည်းသွားနိုင်ပါတယ်။
၂။ TGs မြင့်တက်မှုမရှိအောင် စပျစ်သီးခြောက်နဲ့ အခွံမာသီး စားပါ
သုတေသန ပြုလုပ်ချက်အရ အဖြူရောင်ပေါင်မုန့်နဲ့ အချိုစာလိုမျိုး နူးညံ့တဲ့ ကာဗိုဟိုက်ဒရိတ်တွေကို စားအပြီးမှာTGs အဆင့်တွေ များစွာ မြင့်မားလာတယ်လို့ သိရပါတယ်။ သွေးတွင်း သကြားဓာတ်တွေကို ထိန်းချုပ်နိုင်ဖို့ အသည်းမှ ပိုလျှံနေတဲ့ ကယ်လိုရီတွေကို သွေးကြောတွေ ပိတ်ဆို့မှု ရှိစေနိုင်တဲ့ TGs  အဆင့်ကို ပြောင်းလဲပေးတာကြောင့် ဖြစ်တယ်လို့ ကိုလံဘီယာတက္ကသိုလ်မှ အထူး ကုဆရာဝန်က ပြောပါတယ်။ ခန္ဓာကိုယ်မှ စုပ်ယူမှုနည်းစေတဲ့၊ အမျှင်ဓာတ်ပါ ပါဝင်တဲ့ ကာဗိုဟိုက်ဒရိတ် (ဥပမာ ကောက်နှံတစ်ခုလုံး ပါဝင်စာ) ဒါမှမဟုတ် သစ်သီးခြောက်၊ အခွံမာသီးနဲ့ အစေ့အဆန်လိုမျိုး ကျန်းမာစေတဲ့ အဆီ ပါဝင်တဲ့ အစာတွေကို နေ့စဉ် စားသုံးတာကြောင့် ခြောက်နာရီအတွင်းမှာ TGs ထုတ်လုပ်မှု ၂၅ ရာခိုင်နှုန်း ကျဆင်းသွားနိုင်ပါတယ်။
၃။ လေ့ကျင့်ခန်း ပြုလုပ်ပြီး TGs တွေ လောင်ကျွမ်းအောင် ပြုလုပ်ပါ
နေ့စဉ် မိနစ် ၃၀ ခန့် လေ့ကျင့်ခန်း ပြုလုပ်တာကြောင့် TGs အဆင့် ၃၀ ရာခိုင်နှုန်းအထိ ကျဆင်းနိုင်ပါတယ်။ အခု နောက်ဆုံး သုတေသန ပြုလုပ်ချက်အရ လေ့ကျင့်ခန်း ၁၀ မိနစ်ခန့် လုပ်ရင်တောင် TGs အဆင့် ထိထိရောက်ရောက် ကျဆင်းနိုင်တယ်လို့ သိရပါတယ်။ အမှန်မှာတော့ အချိန်တို လေ့ကျင့်ခန်း လုပ်တာဟာ TGs အဆင့်မြင့်မားတာကို လျှော့ချဖို့ အကောင်းဆုံးနည်းပါ။ ပြင်းထန်တဲ့ လေ့ကျင့်ခန်းတွေ လုပ်တာကြောင့် အစာတွေ ပိုစားမိပြီး အချိန်တို လေ့ကျင့်ခန်း လုပ်တဲ့သူတွေရဲ့ TGs အဆင့်ထက် တစ်ဝက်ခန့်သာ ကျဆင်းနိုင်တယ်လို့ သိရပါတယ်။
၎။ TGs ဖြိုခွဲမှုမြန်အောင် မိမိကြိုက်နှစ်သက်တဲ့ စာအုပ်ကို ဖတ်ပါ
အမျိုးသမီးအများစုအနေနဲ့ စိတ်ဖိစီးမှုတွေ များတဲ့အခါမှာ TGs တွေ လောင်ကျွမ်းဖို့ ခက်ခဲသွားတတ်ပြီး ဒီအဆီတွေဟာ သွေးကြောအတွင်းမှာ ပုံမှန်ထက် ၁၅ ရာခိုင်နှုန်း အချိန်ပိုကြာပြီး ရှိနေတတ်ပါတယ်။ ဒီပြဿနာကို ဖြေရှင်းနိုင်တဲ့ နည်းလမ်းဟာ သင်ရဲ့ များပြားတဲ့ အလုပ်ချိန်အတွင်းမှာ သင် ကြိုက်နှစ်သက်တဲ့ ဂျာနယ်၊ မဂ္ဂဇင်းတွေ ဖတ်ဖို့ပါ။ သင်ကြိုက်နှစ်သက်တဲ့ အလုပ်တွေ လုပ်ရတာကြောင့် သင်ရဲ့ ဖိစီးမှုအဆင့် ထက်ဝက်ခန့် ကျဆင်းနိုင်ပြီး သင်ရဲ့ TGs အဆင့်လည်း ၁၃ ရာခိုင်နှုန်းအထိ ကျဆင်းနိုင်တယ်လို့ ကယ်လီဖိုးနီးယား တက္ကသိုလ်မှ လေ့လာမှုအရ သိရပါတယ်။
၅။ ဓာတ်တိုးဆန့်ကျင်ပစ္စည်းတွေ အများအပြားရအောင် သစ်သီးစားပါ
ပန်းရောင် ဂရိတ်ဖရုသီး တစ်ဝက် ဒါမှမဟုတ် ကီဝီသီး နှစ်လုံးကို နေ့စဉ် စားသုံးတာကြောင့် တစ်လအတွင်း TGs အဆင့် ၁၇ ရာခိုင်နှုန်း ကျဆင်းနိုင်တယ်လို့ သိရပါတယ်။ ပန်းရောင်ဂရိတ်ဖရုသီးမှာ လိုင်ကိုပင်းနဲ့ Rutin ခေါ်တဲ့ ဓာတ်တိုး ဆန့်ကျင်ပစ္စည်းတွေ နှစ်မျိုးပါဝင်ပြီး အဆီတွေကို TGs အဆင့် မပြောင်းလဲနိုင်အောင် ပိတ်ပင်နိုင်ပါတယ်။ ကီဝီသီးဟာ အစာခြေစနစ်အတွင်း နှေးကွေးစွာ စုပ်ယူမှုရှိအောင် ကူညီနိုင်တာကြောင့် သွေးတွင်း သကြားဓာတ် မမြင့်အောင် ပိတ်ပင်နိုင်ပါတယ်။
၆။ လက်ဖက်ရည်သောက်ပြီး မုန့်ချိုအိတ် ကျန်းမာအောင် ကူညီပါ
လက်ဖက်ရည်ကြမ်း ဒါမှမဟုတ် လက်ဖက်ရည်ချို တစ်ခွက်ကို အစာနဲ့အတူ တွဲပြီး သောက်တာကြောင့် ၂၄ နာရီအတွင်း TGs အဆင့် လျော့နည်းနိုင်ပါတယ်။ လက်ဖက်ရည်မှာ ပါဝင်တဲ့ အပင်ဒြပ်ပေါင်းတွေဟာ မုန့်ချိုအိတ်မှ သွေးတွင်း သကြားဓာတ်တွေကို ထိရောက်စွာ အသုံးပြုနိုင်အောင် ကူညီနိုင်တဲ့အတွက် ပိုလျှံတဲ့ သကြားတွေဟာ TGs အဆင့်ကို မပြောင်းလဲနိုင်တော့ပါဘူး။ တကယ်လို့ လက်ဖက်ရည်ကို အချိုရည်အစား သောက်သုံးမယ်ဆိုရင် ပိုမိုအကျိုးထိရောက်မှု ရှိပါတယ်။ အချိုရည်တွေဟာ စုပ်ယူနိုင်မှု မြန်ဆန်တဲ့အတွက် TGs အဆင့်တွေ မြင့်တက်အောင် လှုံ့ဆော်နိုင်လို့ပါ။ သင်ရဲ့ TGs  အဆင့်တွေဟာ အမှတ် ၁၀၀ လောက် မြင့်တက်နေရင်တောင် ဆော်ဒါအချိုရည်တွေကို ရှောင်ရှားလိုက်တာကြောင့် သုံးလအတွင်းမှာ TGs အဆင့် ပုံမှန်ဖြစ်အောင် ထိန်းနိုင်ပါတယ်။
၇။ မှန်ကန်တဲ့ ဆေးအမျိုးအစားကို သုံးပါ
သင်ဟာ သန္ဓေတားဆေး ဒါမှမဟုတ် ဟော်မုန်းအစားထိုး ကုသမှု ခံယူနေရပြီး သင်ရဲ့ TGs အဆင့်တွေ မြင့်မားနေရင် ဆေးထဲမှာ ပါဝင်တဲ့ အီစထရိုဂျင်တွေဟာ အသည်းမှ တစ်ဆင့် TGs ထုတ်လုပ်မှု များစေနိုင်လို့ပါ။ သန္ဓေတားဆေးနဲ့ ဟော်မုန်း အစားထိုးကုသမှုကြောင့် TGs အဆင့် ၂၅ ရာခိုင်နှုန်းအထိ မြင့်တက်နိုင်ပါတယ်။ ဒါကြောင့် ဟော်မုန်းကပ်ခွာသာ အသုံးပြုပါ။ ကပ်ခွာမှာ ပါဝင်တဲ့ အီစထရိုဂျင်တွေဟာ အရေပြားမှတစ်ဆင့် သွေးကြောအတွင်း တိုက်ရိုက် ရောက်ရှိသွားနိုင်တာကြောင့် အသည်းကို ဖြတ်သန်းမှု မရှိလို့ပါ။

ဒေါက်တာခင်မိုးမိုး

Read full

အလုပ်မရှိသူများတွင် နှလုံးတိုက်ခိုက်ခံရမှု အခွင့်အလမ်းပိုများ

 

အလုပ်အကိုင် မရှိသူများတွင် သူတို့၏ ပိုက်ဆံအိတ်များထက် နှလုံးကိုပို၍ ထိခိုက်စေနိုင်ကြောင်း သိရသည်။ အလုပ်လက်မဲ့ ဖြစ်ခြင်းကြောင့် ဆေးလိပ်စွဲသည့် အကျင့်ဖြစ်လာခြင်း၊ သွေးဖိအား မြင့်မားလာခြင်းနှင့် အခြားသော နှလုံးကျန်းမာရေးကို ထိခိုက်စေနိုင်သည့် အချက်အလက်များ များပြားခြင်းတို့ ဖြစ်စေလာနိုင် ကြောင်းသိရသည်။ အသက် ၅၁ နှစ်မှ ၇၅ နှစ်ထိ အမျိုးသား၊ အမျိုးသမီး ၁၃၀ဝ၀ ကျော်ကို လေ့လာခဲ့ ခြင်းဖြစ်သည်။ ၁၉၉၂ ခုနှစ်ကတည်းက ထိုလေ့လာခံ ပုဂ္ဂိုလ်များအား ၂နှစ်လျှင် တစ်ကြိမ် နှလုံးတိုက်ခိုက်မှု စတင်ပေးသည့် မောင်း ခလုတ်ဖြစ်နိုင်ကြောင်း သိရ သည်။ ထိုလေ့လာခံ ပုဂ္ဂိုလ်များ၏ ၇၀ ရာခိုင်နှုန်းနီးပါး ခန့်မှာ အနည်းဆုံး တစ်ကြိမ် ပြုတ်ခဲ့သူများဖြစ်သည်။ အနည်းဆုံး ၁၀ ရာခိုင်နှုန်းမှာ ၄ ကြိမ်နှင့်အထက် အလုပ်လက်မဲ့ ဖြစ်ခဲ့သူများဖြစ်သည်။ လေ့လာသည့် ကာလအတွင်း နှလုံးတိုက်ခိုက်ခံရသည့် အကြိမ် ၁၀၆၁ ကြိမ်ဖြစ်ခဲ့သည်။ အနည်းဆုံး အလုပ်လက်မဲ့ ၄ ကြိမ် ဖြစ်ခဲ့သူများတွင် ပုံမှန်လူများထက် နှလုံးတိုက်ခိုက်ခံ ရသည့်နှုန်း ၆၀ ရာခိုင်နှုန်း ပိုများကြောင်း တွေ့ရသည်။

မြ၀တီ

Read full

နှလုံးကျန်းမာရေး ကောင်းမွန်စေမည့် အလေ့အထ ၁၁ မျိုး

လေ့လာမှုတွေအရ နှလုံးကို ကျန်းမာ ဖွံ့ဖြိုးစေမယ့် အကြောင်း အချက်လေးတွေကို ဖော်ပြပေးလိုက်ပါတယ်။
၁။ အနီရောင် စားပါ
စတော်ဘယ်ရီ၊ ရက်စ်ဘယ်ရီ၊ ဖရဲသီး၊ ခရင်မ်ဘယ်ရီ၊ သလဲသီး၊ ခရမ်းချဉ်သီး၊ အနီရောင် ငရုတ်ကောင်းမှုန့်၊ ဝိုင်အနီရောင်နဲ့ စပျစ်သီး အနီရောင်လို အသီးတွေမှာ လိုင်ကိုပင်း (Lycopene) တွေ ပါဝင်ပြီး သစ်သီးအရောင်ကို ရင့်စေတဲ့ ကရိုတီနွိုက်ဓာတ်တွေ ပါဝင်ပါတယ်။ ဒီအစားအစာတွေထဲမှာ စွမ်းအင်ပြည့် အင်တီအောက်ဆီးဒင့်တွေ ပါဝင်ပြီး ဆဲလ်တွေ ပျက်စီးမှုကို ကာကွယ်ပေးနိုင်ကာ နှလုံးကျန်းမာရေးကိုလည်း တိုးတက် ကောင်းမွန်စေပါတယ်။ အင်တီအောက်ဆီးဒင့် အပြင် ဗီတာမင်စီပါ ထပ်ဆောင်း ပါဝင်တာကြောင့် နှလုံးရောဂါသည်တွေ အတွက် အကောင်းဆုံး အာဟာရပါလို့ လေ့လာသူတွေက ဆိုပါတယ်။၂။ ဟင်းခတ်အမွှေးအကြိုင် သုံးပါ
ရိုးရာဓလေ့ ထုံးတမ်းအရ အသုံးပြုတတ်တဲ့ ဟင်းခတ် အမွှေးအကြိုင်တွေ များစွာ ရှိကြပါတယ်။ သစ်ကြံပိုးခေါက်၊ ဇာတိပ္ဖိုလ်သီး၊ ပင်စိမ်းပင်၊ ငရုတ်ကောင်းစတဲ့ ဟင်းခတ် အမွှေးအကြိုင်တွေ မှီဝဲပါ။
၃။ ပိုကောင်းတာကို ရှာပါ
အနီရောင်ဝိုင်နဲ့ အနက်ရောင် ချောကလက် နှစ်မျိုးစလုံးဟာ နှလုံးသွေးကြော ပျက်စီးတာကို ကာကွယ်နိုင်တဲ့ အကျိုးကျေးဇူးတွေ ရှိပါတယ်။ ဒါပေမဲ့ ဘာနဲ့မှ ရောမထားတဲ့ အနက်ရောင် ချောကလက်ဖြစ်ဖို့ လိုပါတယ်။ တစ်နေ့ဝိုင်တစ်ခွက်နဲ့ ချောကလက် တစ်လက်မခွဲ ပတ်လည်လောက် စားပေးပါ။
၎။ လက်ဖက်ရည် သောက်ပါ
Black Tea ဟာ သင့်နှလုံးအတွက် အရမ်းကို ကောင်းမွန်စေတယ်လို့ လေ့လာမှုတွေက ဆိုပါတယ်။ နေ့စဉ်ပုံမှန် Black Tea တစ်ခွက် သောက်ရင် နှလုံးရောဂါနဲ့ ရုတ်တရက် နှလုံးဖောက်ပြန်မှုတွေကို လျှော့ချပေးနိုင်တာကြောင့် နေ့လည်နေ့ခင်းမှာ Black Tea တစ်ခွက်လောက် သောက်ပါ။
၅။ ကခုန်ပါ
ကခုန်တာကြောင့် နှလုံးသွေး လည်ပတ်မှုကို ကောင်းစေတဲ့ အပြင် ဖိစီးမှုတွေကိုပါ လျှော့ချပေးနိုင်ပါတယ်။ ခန္ဓာကိုယ် အလေးချိန် ထိန်းဖို့နဲ့ စိတ်ကို လန်းဆန်းစေဖို့ အကောင်းဆုံးနည်းဟာ ကခုန်တဲ့ လေ့ကျင့်ခန်းပါပဲ။
၆။ အိမ်ထဲမှာ ဖြစ်ပါစေ လမ်းလျှောက်ပါ
အမေရိကန်မှာ လူဦးရေ ၅၅ ရာခိုင်နှုန်းလောက်ဟာ အိမ်ထဲမှာ အမြဲတမ်း ထိုင်နေတာကြောင့် နှလုံးရောဂါနဲ့ တခြား သွေးကြောဆိုင်ရာ ရောဂါတွေ ပိုပြီးဖြစ်တတ်ကြပါတယ်။ ဒါကြောင့် ထိုင်နေမယ့်အစား အိမ်ထဲမှာလည်း လမ်းလျှောက်ပေးပါ။ အိမ်မှာ လက်ကိုင်ဖုန်း အစား ကြိုးဖုန်းကို သုံးပါ။ တီဗီရီမုဒ်အစား တီဗီကို သွားပြီးဖွင့်ရတဲ့ ခလုတ်ကိုသုံးပါ။
၇။ ပုံမှန်စစ်ဆေးပါ
နှလုံးကျန်းမာနေစေဖို့ လစဉ်ပုံမှန် ကျန်းမာရေး စစ်ဆေးပေးဖို့လည်း လိုပါတယ်။ တချို့ လေ့ကျင့်ခန်းတွေဟာ နှလုံးရောဂါသမားတွေ အတွက် မပြုလုပ်သင့်တာတွေ ရှိတယ်ဆိုတာလည်း သိထားဖို့ လိုပါတယ်။ ပုံမှန်စစ်ဆေးမှု အနေနဲ့ သွေးပေါင်ပုံမှန် ချိန်တာမျိုး၊ သွေးတွင်း ကိုလက်စထရော စစ်တာမျိုး၊ နှလုံးရောဂါမျိုးရိုး ရာဇဝင် ရှိ၊ မရှိ စတာတွေကို ပုံမှန်စစ်ဆေးဖို့ လိုပါတယ်။
၈။ ဂရုတစိုက်ရှိပါ
သင်ဟာ နှလုံးရောဂါ ဝေဒနာရှင် ဆိုရင် သင့်အတွက် ရောဂါအကြောင်းကို ပြောဆိုဆွေးနွေး တိုင်ပင်ဖို့ ဆရာဝန်တစ်ဦး လိုအပ်ပါတယ်။ သွေးဖိအား၊ သွေးတွင်းသကြားဓာတ်၊ ကိုလက်စထရော၊ ရုပ်ပိုင်းဆိုင်ရာ ဖွံ့ဖြိုးတိုးတက်မှု၊ ခန္ဓာကိုယ် အလေးချိန်နဲ့ ဆေးဝါးတွေကို အမြဲတမ်း စမ်းသပ် စစ်ဆေးပေးနေဖို့ လိုပါတယ်။
၉။ လုံလောက်စွာ အနားယူပါ
ငါးနှစ်ကြာ လေ့လာမှုအရ ပုံမှန်အိပ်ချိန် ခြောက်နာရီခွဲနဲ့ ခုနစ်နာရီခွဲကြား ရှိတတ်သူတွေဟာ နှလုံးရောဂါ အန္တရာယ်ကို လျော့နည်း စေနိုင်ပါတယ်။ ဒါကြောင့် ညဘက်နှစ်ခြိုက်စွာ အိပ်ပျော်ပြီး လုံလောက်တဲ့ အိပ်စက်မှုနဲ့အတူ နိုးထလာဖို့ လိုအပ်ပါတယ်။
၁၀။ ပျော်ပျော်နေပါ
နှလုံးရောဂါသည်တွေ အနေနဲ့ အပြုသဘောဆောင်တဲ့ အတွေးအခေါ်နဲ့အတူ ပျော်ပျော်နေတတ်ဖို့ လိုပါတယ်။ မိသားစု၊ လုပ်ငန်းခွင်၊ လူမှုရေးရာတွေရဲ့ ဖိစီးမှုတွေကို ကျော်လွှားနိုင်ဖို့ စိတ်ညစ်စရာတွေကို မတွေးဘဲ ပျော်ပျော်နေပါ။
၁၁။ ချစ်သူနဲ့ ချိန်းတွေ့ပါ
သင့်ကို ချစ်ခင်တဲ့သူတွေ၊ မိတ်ဆွေ အပေါင်းအသင်းတွေနဲ့ မကြာခဏတွေ့ဆုံပြီး ခံစားချက်တွေကို ရင်ဖွင့်ပြောဆိုပါ။ နှလုံးရောဂါ ရှိသူတွေ အနေနဲ့ ပတ်ဝန်းကျင်နဲ့ သဟဇာတဖြစ်မှုကလည်း သင့်ကျန်းမာရေးအတွက် အကျိုးရှိစေပါတယ်။ ချစ်ခင်သူတွေနဲ့ အတူ သဘာဝ လေကောင်းလေသန့်ကို ရှူရင်း လမ်းလျှောက်ထွက်ပါ။

သဲသဲ
Good Health

Read full

ခပ်စပ်စပ် ဟင်းတွေစားရင် နှလုံးရောဂါ ကာကွယ် နိုင်တယ်လို့ ဖော်ထုတ်

ခပ်စပ်စပ် ဟင်းတွေ စားရင် နှလုံးရောဂါ ကာကွယ် နိုင်တယ်လို့ ဖော်ထုတ် မကြာ သေးခင် ရက်ပိုင်း အတွင်းက ဟောင်ကောင် တက္ကသိုလ် ကနေ ဖော်ထုတ် လိုက်တဲ့စစ်တမ်း တစ်ခုအရ ငရုတ်သီး စပ်စပ် ဟင်းလျာတွေ စားသုံးလေ့ ရှိသူတွေဟာ နှလုံးရောဂါ ဖြစ်ပွားမှုကို ကာကွယ်နိုင်စွမ်း မြင့်မား ကြကြောင်း သိရှိ လာရပါပြီ။
ငရုတ်သီးမှာ အဓိက အားဖြင့် ပါဝင်တဲ့ အပူဓာတ် တစ်မျိုးဟာ သွေးတိုးခြင်း အပြင် သွေးတွင်း ကိုလက်စရော များပြားခြင်းကိုပါ ချေဖျက်နိုင်တဲ့ အတွက် နှလုံးရောဂါ ဖြစ်ပွားမှုကိုပါ ထိထိ ရောက်ရောက် ကာကွယ် နိုင်ဖွယ် ရှိကြောင်း အဆိုပါ တက္ကသိုလ်က လေ့လာမှုကို ဦးဆောင် ခဲ့သူ ဒေါက်တာ ဇန်ယူချွမ်က ဆိုခဲ့ပါတယ်။“ငရုတ်သီး ထဲမှာ အဓိက အားဖြင့် ပါဝင်တဲ့ capsaicinoids ဆိုတဲ့ဓာတ် ပေါင်းတစ်မျိုးဟာ ပူစပ်ခြင်းကို ဖြစ်ပေါ် စေကာ သွေးအတွင်း အဆီဓာတ်များ ပြားမှုကိုလဲ ထိန်းသိမ်း နိုင်စွမ်း ရှိပါတယ်။
ကျွန်တော်တို့ လေ့လာ ခဲ့ကြရာမှာ ဟမ်းစတား လေးတွေကို အုပ်စု(၂) စုခွဲ ခဲ့ပြီး capsaicinoids ဓာတ်ပါဝင်တဲ့ အစားအသောက်၊ မပါဝင် အစားအသောက် ဆိုပြီး ခွဲခြား ကျွေးခဲ့ ပါတယ်။
တွေ့ရှိခဲ့ရတဲ့ ရလဒ်ကတော့ အထက်မှာ ဖော်ပြ ခဲ့သလို သွေးအတွင်း အဆီဓာတ် ပါဝင်မှု နှုန်းတွေက သိသိသာသာကို ကွာခြား နေပါတယ်”လို့ ဒေါက်တာ ဇန်ယူချွမ်က ဆိုခဲ့ပါတယ်။

အောင်မျိုးသန့်
မြ၀တီ

Read full

သွေးလှူဒါန်းလျှင် နှလုံးရောဂါ လျော့ပါးနိုင်

 

လေဖြတ်ခြင်းနှင့် နှလုံးရောဂါ ဖြစ်နိုင်ခြေ အလား အလာသည် သွေးမ လှူသည့် လူထက် သွေးလှူဒါန်းသည့် လူများတွင် သုံးပုံ တစ်ပုံခန့် နည်းပါး နိုင်ကြောင်း ကျန်းမာရေး အတိုင်ပင်ခံ ဦးစိုးထွဋ်က ပြောသည်။
သွေးလှူရှင်တွေ အနေနဲ့ သွေးလိုနေတဲ့ လူနာအတွက် သွေးလှူ လိုက်ရလို့ ကျေနပ် ပီတိတွေ ခံစား ရတာအပြင် ကျန်းမာရေးနဲ့ ပတ်သက်တဲ့ အကျိုးကျေးဇူး တွေလည်း ရရှိစေပါတယ်ဟု အထက်ပါ ပုဂ္ဂိုလ်က ပြောသည်။လူ၏ ခန္ဓာကိုယ်မှ ထုတ်လုပ် ပေးနေသည့် သွေးကို ပုံမှန်လှူဒါန်း ပေးခြင်းသည် သွေးထဲမှ ကိုလက်စထရော ပမာဏကို ထိန်းထား နိုင်စေပြီး၊ အထူးသဖြင့် အမျိုးသားများသည် ပုံမှန် သွေးလှူ ဒါန်းခြင်းဖြင့် ကျန်းမာရေး အကျိုး ကျေးဇူးများ စေနိုင်ကြောင်း သိရသည်။
အမျိုးသမီးတွေ အနေနဲ့ ရာသီဓမ္မတာကြောင့် လစဉ် ခန္ဓာကိုယ်ထဲ ကနေ သွေးတွေ ဆုံးရှုံး ထွက်ရှိလို့ သံဓာတ် ပမာဏ လျော့နည်း ကြပေမယ့်၊ အမျိုးသားများ အနေနဲ့ သွေးလှူဒါန်း မှုကနေပဲ ကိုယ်တွင်းက သံဓာတ် ပမာဏကို လျော့နည်း စေတာပါ။ ထုတ်လှူလိုက်တဲ့ သွေးနဲ့အတူ ပါသွားတဲ့ သံဓာတ်တွေကြောင့် သွေးလှူရှင်ရဲ့ ခန္ဓာကိုယ်ထဲက သံဓာတ်တွေ လျော့စေတယ်။ သံဓာတ်တွေဟာ ခန္ဓာကိုယ်ထဲမှာ များလွန်းနေရင် မကောင်းပါဘူး။ သံဓာတ် တွေက ကိုလက်စထရော ဖြစ်စေတဲ့ အရာမှာ တစ်ခုအပါ အဝင်ပေါ့။ ကိုလက်စထရော များရင် နှလုံး ရောဂါနဲ့ လေဖြတ်တာကို ဖြစ်စေတယ်။ဟု ၄င်းမှ ဆိုသည်။
ယင်းကြောင့် ပုံမှန် သွေးလှူဒါန်းသည့် သွေးလှူရှင် များသည် သွေးလှူခြင်းဖြင့် မလိုလား အပ်သည့် သံဓာတ်ပမာဏကို လျှော့ချနိုင်ပြီး ကိုလက် စထရောကိုလည်း လျော့နည်း စေကြောင်း သိရသည်။
နောက်အယူအဆ အမှားတွေလည်း ရှိတယ်၊ တချို့က ထင်ကြတယ်။ သွေးလှူပြီးတဲ့ နောက်ပိုင်း ကိုယ်အလေးချိန် တိုးပြီး ဝလာမယ်၊ သွေးလှူ လိုက်လို့ အားနည်းမယ်ဆို တာတွေပဲ၊ တကယ်တမ်း ကတော့ ထုတ်ယူလိုက်တဲ့ သွေးတစ်အိတ်ကြောင့် သွေးလှူရှင်မှာ ကယ်လိုရီ ၆၅ဝစာ လျော့ကျ စေတာတော့ မှန်တယ်။ ထုတ်လှူလိုက်တဲ့ သွေးတွေကို အစားထိုး ပေးဖို့အတွက် ခန္ဓာကိုယ်က သွေးအသစ်တွေကို အချိန်ပိုင်း အတွင်း ပြန်လည် ထုတ်လုပ် ပေးပါတယ်။ ဒီတော့ သွေးဆဲလ် အသစ်တွေကို ရရှိစေပါတယ်။ ဒါကြောင့် သွေး လှူဒါန်း တာဟာ လတ်ဆတ်တဲ့ သွေးအသစ်တွေ ရရှိစေပြီး ကျန်းမာလန်းဆန်း စေပါတယ်ဟု ကျန်းမာရေး အတိုင်ပင်ခံ ဒေါက်တာ ဦးစိုးထွဋ်က ပြောသည်။
ချစ်ဆုဆွေ
မြ၀တီ

Read full

နှလုံးရောဂါ အတွက် သိသင့်သော အရေးကြီး လက္ခဏာ သုံးရပ်

 

 

၁။ ရင်ဘတ်အောင့်တာမပျောက်ရင်
ခါတိုင်းအောင့် နေကြ ပုံစံ မဟုတ်ဘဲ ရင်ဘတ်အောင့် နေပြီး စက္ကန့် အနည်းငယ် အတွင်း သက်သာ သွားခဲ့ရင် နှလုံး ရောဂါကြောင့် ရင်ဘတ် အောင့်တာ မဟုတ်ပါဘူး။
ဒါဟာ အစာအိမ်မှ အက်ဆစ်တွေ အစာမျိုပြွန်ကို ဆန်တက်တာကြောင့် ရင်ပူတာပါ။ ရင်ဘတ် အောင့်တာ တဖြည်းဖြည်း ပိုဆိုးလာပြီး အနည်းဆုံး မိနစ် အနည်းငယ်ခန့်ထိ မပျောက်မှသာ နှလုံးရောဂါ အတွက် စိုးရိမ်ရမှာပါ။၂။ အသက်ရှုမဝရင်
လူအများစုမှာ အသက်ရှူ မဝတာဟာ စိတ်ဖိစီးမှု များတာကြောင့် ဖြစ်တာပါ။ အသက်ရှူလို့ မရတဲ့ ခံစားမှုမျိုးဟာ Hyperventilation ကြောင့် ဖြစ်ပြီး သွေးထဲမှာ ကာဗွန်ဒိုင် အောက်ဆိုဒ်တွေ နည်းသွား ပါတယ်။ Treadmill စက်မှာ လမ်းလျှောက် နိုင်ပြီး လမ်းလျှောက် အပြီး အခြေအနေ ပိုမဆိုးရင် မစိုးရိမ် ရပါဘူး။ လူနာဟာ ဒီနေ့မှာ နေကောင်းနေပြီး နောက်တစ်နေ့မှာ လှေကားတက်ရင် လှေကားထစ်တွေမှာ နားပြီး အသက်ဝအောင် ရှူပြီးမှ လှေကား ထစ်တွေ တက်လို့ရတယ်ဆိုရင် စိုးရိမ်စရာ အခြေအနေပါ။
၃။ တစ်ခါမှမခံစားရဖူးသောခန္ဓာကိုယ်အထက်ပိုင်းနာကျင်ရင်
တစ်ခါတစ်ရံ နှလုံး တိုက်ခိုက် ခံရတာဟာ ရင်ဘတ်အောင့်တဲ့ လက္ခဏာ မပြတတ် ပါဘူး။ ရှေးဦးစွာ မေးရိုး မှာနာတာ၊ တံတောင်ဆစ်မှာ နာတာ၊ ဒါမှမဟုတ် သွားနာတာတွေ အနေနဲ့ လက္ခဏာ ပြတတ်ပါတယ်။ ဒါဟာ နှလုံးသွေးကြော ပိတ်တာကြောင့် နာကျင်တာ ဖြစ်ပြီး အာရုံကြောမှ တစ်ဆင့် ဘယ်ဘက်လက် ဒါမှမဟုတ် မေးရိုးကို နာကျင်တာတွေ ရောက်သွား တာပါ။ ဒီလို တစ်ခါမှ မခံစားရဖူးတဲ့ နာကျင်မှု အသစ်တွေ ခံစားရရင် လျစ်လျုရှု မထားပါနဲ့။
ခွဲခြားနိုင်သောနည်းလမ်းနှစ်ခု
အောက်ပါတို့မှာ သင်ခံစား နေရတဲ့ ဝေဒနာကို လျစ်လျူရှုသင့်သလား ဒါမှမဟုတ် ဆရာဝန်ကို ပင့်ရမလား ဆိုတာကို ခွဲခြားနိုင်တဲ့ နည်းလမ်း နှစ်ခုပါ။
၁။ လေ့ကျင့်ခန်းမှန်မှန်လုပ်ပါ။
နှလုံးသန်မာဖို့ လေ့ကျင့်ခန်း မှန်မှန် လုပ်နေရင် ကောင်းတဲ့ နာကျင်တာနဲ့ မကောင်းတဲ့ နာကျင်တာ တွေကို သင်ခွဲခြား သိရှိ နိုင်ပါတယ်။ လှုပ်လှုပ်ရှားရှား လုပ်နေရင်းနဲ့ ခံစားရတဲ့ ဝေဒနာ ပိုဆိုးလာရင် ဆရာဝန် ပင့်သင့်ပါတယ်။
၂။ သင့်မှာရှိသောဖြစ်နိုင်ချေများကိုလေ့လာပါ။
သင့်မိဘတွေဟာ အသက်၉၀ အရွယ်ထိ အသက်ရှင်နေပြီး သင့်ရဲ့သွေးတွင်း ကိုလက်စထရော အဆင့်ဟာ ပုံမှန်ဖြစ်နေရင် တံတောင်ဆစ်မှာ နာနေတာဟာ တင်းနစ်ကစား တာကြောင့် ဖြစ်နိုင်ပါတယ်။ သင်ခံစားရတဲ့ ဝေဒနာဟာ နှလုံး ရောဂါမှန်း မသေချာရင် ဆရာဝန်နဲ့ ပြဖို့ အမြဲ သတိရပါ။
Good Health ဂျာနယ်
မြ၀တီ

Read full